Fortaleciendo el Nasayuwe.
nasayuwe’s nuuyçxhãçxhawa’ja’ wala dxi’jjxu’ ũsa’ napa naa dxi’ja’s phaadewa’sa’ txã’wẽyçxaa ũstha’w luuçx, luuçx le’çxkwe, thẽ’jsa, thẽ’u’ywe’sx, thẽ’walawe’sx txã’ nasayuwe’ ji’pa’ naapa’ka.
Aça’ naa dxi’ja’s takhwa’ja’ nxinxawẽ’sxyakhyuh takteyuuna, na’nxuumeete’ thẽ’sanxa’ çhuka’ wala wejx tupxhina u’jwe’k naapa’ka. Sa’ naajunxa’ja’ naa le’çxkwetx wejx ũuski’pçxa ew eejthegna vxyuupa maasumee ki’pna u’jwa’j ũsa’. Puutx ja’daçxah luuçx neyma’kyuu, khaabuwe’sx ma’kyuu, khaabuwe’sxtxi yu’pkhakhesawe’sx ma’txyuu napa kxteeçxah pupiiçxa ype’jna u’jna ũste yuuna. na’nxuumeeçxa’ ma’wẽnpa thẽyteçxaa nvxihtna u’jna nesya’yuuna kwe’sx we’wena fxi’zenxii nasayuwe’sa’ aça’ na’sku kuse ki’pya, ũus ki’pya’ meeçxa’ dxkxthee ũhdya’ ya’pi’ki’ txazsaytxi. Weçxh ipaaytxi.